Ааспыт сыл уон ыйдааҕы түмүгүнэн, өрөспүүбүлүкэҕэ элбэх кыбартыыралаах 86 олорор дьиэ тутуллан үлэҕэ киирбит. Бу туһунан Судаарыстыбаннай статистика федеральнай сулууспатын Саха сиринээҕи уоргана иһитиннэрдэ.
2016 сылга уопсайа 213 тыһ. кв. миэтэрэ иэннээх 84 дьиэ тутуллубут эбит буоллаҕына, былырыын тохсунньу-алтынньы ыйдарыгар 237,6 тыһ. кв. миэтэрэ иэннээх дьиэ үлэҕэ киллэрилиннэ. Тутааччылар алтынньыга элбэх кыбартыыралаах 29 дьиэни хамыыһыйаҕа туттарбыттара.
Булуҥ, Ленскэй, Мэҥэ Хаҥалас, Мирнэй, Муома, Нам, Ньурба, Өймөкөөн, Өлүөхүмэ, Орто Халыма, Таатта улуустарыгар уонна Дьокуускай куоракка чааһынай дьиэни туттуу элбээтэ. Тохсунньу-алтынньы ыйдарыгар уопсайа 151 тыһ. кв. миэтэрэ дьиэ тутуллубут.
Анивера АКИМОВА.
Хаартыска: интернеттэн.
+1
+1
+1
+1
+1
+1
+1