close
15 млрд солк. итэҕэстээх бүддьүөттэн үрдэтиллибит хамнас сатаан төлөнүө дуо?...
· - Олох-дьаһах - Экэниэмикэ

15 млрд солк. итэҕэстээх бүддьүөттэн үрдэтиллибит хамнас сатаан төлөнүө дуо?

Ил Дархан э.т. Айсен Николаев Москва куоракка командировкатын кэмигэр «Московский комсомолец» хаһыат редакциятыгар кэлэн интервью биэрдэ. Суруналыыс Артур Аваков, Саха сирин бүддьүөтүгэр ыам ыйын бүтэһигэр этиллибитинэн, ороскуот уонна дохуот учуоттаммакка, 15 миллиард солкуобай итэҕэс тахсыбытын хайдах сабарын туһунан ыйыталаста.

edersaas.ru

Ону Айсен Николаев маннык хоруйдаата: «Хомунаалынай хаһаайыстыбаны үбүлүүргэ уонна дойду бэрэсидьиэнин ыам ыйынааҕы ыйааҕар олоҕуран, хамнаһы үрдэтиигэ туттуллуохтаах үп-харчы ылыныллыбыт бүддьүөккэ көрүллүбэккэ хаалбыттар. Бүддьүөтү толорорго харчы суох. Үп тыырыытын аахпыт, суоттаабыт дьон эбии киирэр дохуоттан ороскуоппутун сабыахпыт дии санаабыппыт дииллэр. Үлэлээн аахсылла илик харчыны эрдэттэн ылан туттар, дьиҥэ, сатаммат. Онон, сыл бүтүөр диэри 15 млрд солк. итэҕэһи сабыахха наада. Ол туһунан Арассыыйа бастакы вице-премьерэ Антон Силуановы кытта от ыйын 9 күнүгэр кэпсэтэн турабыт.

Бүддьүөт ороскуотун көҕүрэтэргэ, оптимизация ыытарга бырабыыталыстыба уонна Ил Дархан дьаһалтатын бюрократическай аппараатын 7% көҕүрэттибит. Сорох ороскуоттары тохтотон, көһөрөн биэрдибит. 2018 сыл бүтүөр диэри баар кыһалҕаны быһаарыахпыт диэн бүк эрэллээхпин. Буолбут быһыы-майгы иһин эппиэтинэһи тустаах дьон номнуо сүктүлэр, өссө сүгүөхтэрэ даҕаны».

Марианна Тыртыкова, «Саха сирэ», edersaas.ru

 

#бүгүн: 1
1
1

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

шесть + пять =