Куорат үрдүнэн саамай элбэх эргэрбит мас дьиэ 17 кыбартаалга Строительнай уокурукка баар. Дьон дьиэлэрин саахалланар туруктаах диэн көтүттэрэргэ тутулуга суох хамыыһыйа ыҥыран көрдөрөллөрүгэр ортотунан 30 000 төлүөхтэрин наада.
edersaas.ru
РФ Бырабыыталыстыбатын 47 №-дээх 2006 с. тохсунньу 28 күнүгэр тахсыбыт балаһыанньатын ирдэбилигэр олоҕуран, эргэрбит мас дьиэни хаарбах диэн билинэн, көтүрэллэр.
Биһиги бүгүн Строительнай уокурук хаарбах дьиэлэрин испииһэктэрин таһаарабыт.
Кыһалҕалаах дьон куорат уокуругун Дьиэ-уот сыһыаныгар департаменыгар, Дзержинскай уулусса, 21 билсиэххитин сөп. Бэнидиэнньиктэн чэппиэргэ диэри 9 ч. 17 ч. нэһилиэнньэни кытта үлэлииллэр.
Эргэрбит мас дьиэлээх дьон дьиэҕит хаарбах туруктааҕын туоһулаан, көтүттэрэргэ бу департамент аатыгар сайабылыанньа, кыбартыыраны бас билэргитин мэктиэлиир докумуон куоппуйатын, тустаах тэрилтэ дьиэҕит туругун кэлэн көрбүтүн туһунан түмүк суругун илдьиэххитин наада. Ити докумуон туттарыллыбытын эрэ кэннэ хамыыһыйа дьиэни саахалланар туруктааҕынан ааҕан, көтүрэргэ быһаарыан, олохтоохтору көһөрөр испииһэккэ киллэриэн сөп.
Саахалланар туруктаах дьиэлэр испииһэктэрэ
Марианна Тыртыкова, «Саха сирэ», edersaas.ru