Атырдьах ыйын 9 күнүнээҕи туругунан, бас билии көрүҥүттэн тутулуга суох, өрөспүүбүүлүкэ үрдүнэн 187 тыһ. 690 т от чөкөтүлүннэ. Бу сыл тахсар от 38,2 %-а. Кэлэр-кэлэ түһэ турар ардахтар атахтааннар, кыраапыктан балачча хаалыы таҕыста.
Күөх быйаҥ күрэҕэр 11 тыһ. 146 араас көрүҥ тиэхиньикэнэн сэбилэнэн, 9 тыһ. 827 биригээдэ, 35 тыһ. 698 отчут үлэлии сылдьар. Ордук уустук быһыы-майгы үөскээбит Горнай, Бүлүү, Нам, Ньурба уонна Өймөкөөн улуустарын дьаһалталара ыраах учаастактарынан көһөн оттуур мобильнай биригэдээлэри тэрийэн эрэллэр. Ону таһынан, атын улуустартан от атыылаһар туһунан кэпсэтэ сылдьаллар. Ардаҕы аннынан оттуурга күһэллибит хаһаайыстыбалар «Кэмпэндээйитээҕи туус хампаанньата» ХЭУо-тан туус атыылаһан, отторун туустуу-туустуу кэбиһэн эрэллэр.
Раиса Сибирякова, «Саха сирэ» edersaas.ru