close
2018 сыл – Арассыыйаҕа Тыйаатыр сыла. Тугу күүтэбит?.....
Култуура - Олох-дьаһах

2018 сыл – Арассыыйаҕа Тыйаатыр сыла. Тугу күүтэбит?..

Кэлэр сылы тыйаатыр сылынан биллэриэххэ, диэн идиэйэни көҕүлээччинэн өссө ааспыт сыл бүтүүтүттэн Арассыыйа Тыйатыраалынай деятеллэрин (СТД) сойууһун салайааччы, Арассыыйа норуодунай артыыһа Александр Калягин буолар. Ону РФ Култууратын миниистирэ Владимир Мединскэй биһирээн, Бэрэсидьиэҥҥэ тиэрпитин, дойду баһылыга идиэйэни өйөөбүтүн кэннэ, маннык тиэмэлээх сылы ыытарга бүтэһиктээх быһаарыныы ылыныллыбытын туһунан 2018god.net суруйар.

edersaas.ru

Биллэн турар, 2018 сылга Арассыыйаҕа Тыйаатыр сылын ыытыы култуура бу эбийиэктэригэр уопсастыбаннас болҕомтотун күүскэ тардыаҕа. “Оннук кэм кэллэ”,  – диир миниистир В.Мединскэй.

Ол эбэтэр, төһө даҕаны, биһиги артыыстарбыт аан дойду култууратын бастыҥ холобурдарын кытта илин былдьаһар, куоталаһар кыахтаахтарын үрдүнэн, тыйаатырдарбыт матырыйаалынай базалара, ордук эрэгийиэннэргэ, сымнатан эттэххэ, тупсарыыны эрэйэллэр.

Былырыын СТД VII сийиэһигэр Александр Калягин бэлиэтээбитинии, Арассыыйа үгүс тыйаатырдара суһал өрөмүөҥҥэ наадыйалларын таһынан, сорох, бэрт айымньылаахтык үлэлиир тыйаатырдарбыт олох даҕаны бэйэлэрэ бас билэр дьиэлэрэ-уоттара суох. Оттон Саха сирин ылан көрөр эбит буоллахха, бу –  биир кэмҥэ бүтүн үс тыйаатыра “Көмүс мааскаҕа” түһэриллэр кыахтаах өрөспүүбүлүкэҕэ, уон тыйаатырбытыттан аҥаарыгар сүрүн кыһалҕабытынан дьиэ-уот буолар.

Онон, Арассыыйа тыйаатырдара, ордук эрэгийиэннэргэ, 2018 сылтан күүтэллэрэ элбэх.

 

Татьяна МАРКОВА, edersaas.ru

 

 

0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

1 × два =

INSTAGRAM ЛИЭНТЭТЭ

Instagram батыһан бар