2018 сылга -«Холбос» 100 сыла

Ааптар: 
Бөлөххө киир:

Өрөспүүбүлүкэ тыатын сирин аһынан-үөлүнэн хааччыйан олорор “Холбос” респотребсоюз эһиил төрүттэммитэ 100 сылын бэлиэтиэҕэ. Бүгүн ити бэлиэ даатаҕа анаммыт бастакы сүбэ мунньах буолла. 

Женни Стрюкова, “Саха сирэ” хаһыат, edersaas.ru

Быйыл олунньуга СӨ Бырабыыталыстыбатын Бэрэссэдээтэлэ Евгений Чекин илии баттааһыннаах “Саха Өрөспүүбүлүкэтин “Холбос” потребобществотын төрүттэммитэ 100 сылыгар анаммыт үбүлүөйдээх тэрээһиннэри ыытыыга тэрийэр кэмитиэт туһунан” дьаһал тахсыбыта. Онон сибээстээн тэрийэр хамыыһыйа үлэ былаанын торумнуур. “Холбос” респотребсоюз сэбиэтин бэрэссэдээтэлэ Петр Мишкин үбүлүөйү көрсө ыытыллар үлэлэри билиһиннэрдэ. Үбүлүөйү үлэнэн көрсөөрү потребобществолар бэкээринэ, остолобуой, маҕаһыын, үүт сыаҕын тутуутун былаанныыллар. Бэрэссэдээтэл итиннэ үбүнэн көмөнү эрэйэллэрин эттэ.

Дьокуускайдааҕы потребкооперация эргиэн-экономическай коллеһын дириэктэрэ Наталья Яковлева этэринэн, быйыл сайын устудьуоннар этэрээттэрэ тэриллэн, сир аһын хомуйууга 170 устудьуон кыттыаҕа. Маны сэргэ колледж преподавателлэрэ кооператордары экономическай билии төрүттэригэр, улуустарга тиийэн миэстэтигэр килиэп астааһыныгар үөрэтиэхтэрэ. Ахсынньы ыйга Мэҥэ Хаҥалас Бүтэйдээх орто оскуолатыгар устудьуоннар уонна үөрэнээччилэр научнай-практическай конференциялара ыытыллыаҕа. Сүүс сыллаах үлэ түмүгүн көрдөрөр киинэ тахсарын бэтэрээннэр кэтэһэллэр.  

Женни Стрюкова, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0