2019 сылга — 25 туонна көмүс

Бөлөххө киир:

Бу сыл түмүгүнэн барыллаан ааҕыынан өрөспүүбүлүкэҕэ 25 туонна көмүһү хостуохтара. Ол туһунан СӨ Бырамыысыланнаска уонна геологияҕа миниистир Максим Терещенко иһитиннэрдэ.

«Былырыын 24788 кг. көмүс хостонуллубута. Быйыл былааҥҥа 24,5 туоннаҕа тахсарга сорук турбута. Ол эрэн сорох хампаанньалар, чуолаан «Алдан полюһа» тэрилтэ көрдөрүүтүнэн сылга 25 туоннаҕа тахсар кыахтаахпыт», — диэн иһитиннэрдэ кини.

edersaas.ru

Онон былаан тоҕус ый түмүгүнэн 112,9% туолар чинчилээх. Көмүһү Сахабыт сиригэр 59 тэрилтэ хостуур. Кэлиҥҥи кэмҥэ бытархай көмүстэн руданы туһаҕа таһаарарга көһөн эрэллэр.

«Көмүстээх сири үлэлэтэргэ үп-харчы угар хампаанньалар интэриэстэрин тардар гына геологтар саҥа сири чинчийэллэригэр биһиги федеральнай министиэристибэлэри кытта үлэлэһэбит. Сүрүн ороскуот углеводороднай сырьеҕа уонна кытаанах сиртэн хостонор баайга барар», — диэн билиһиннэрдэ миниистир.

Алтынньы 26 күнүгэр Общественнай кииҥҥэ «Саха сирин көмүһэ -2018: билиибитин үллэстэбит, ситиһиибитин чиҥэтэбит» диэн тустаах министиэристибэ коллегията буолуоҕа. Манна көмүс хостооччулар, ювелирнай уонна алмааһы кырыылыыр эйгэ үлэһиттэрэ санааларын үллэстиэхтэрэ, бастыҥ үлэһиттэри чиэстиэхтэрэ.

Марианна ТЫРТЫКОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0