close
202-с микро-оройуоҥҥа «Үлэ скверэ» аһылынна
Олох-дьаһах

202-с микро-оройуоҥҥа «Үлэ скверэ» аһылынна

От ыйын 12 күнэ — Дьокуускай куорат 202-с микро-оройуонун олохтоохторугар үөрүүлээх күн. Ларионов аатынан уулуссаҕа чээлэй күөххэ сууламмыт «Үлэ скверэ» аһылынна.

edersaas.ru

Тэрээһиҥҥэ кыра оҕолортон саҕалаан аарыма кырдьаҕастарга тиийэ ыалдьыттар кэлбиттэр. Олортон биирдэстэринэн 87 саастаах  Лена Иннокентьевна СЛЕПЦОВА буолар:

— Саҥа сквер аһыллыбыта олус үөрүүлээх, бу үчүгэй сир тутуллуоҕуттан ылата таһырдьа тахсаммын сөрүүкүүбүн, сэргэхсийэбин. Саастыылаахтарбын көрсөбүн, ардыгар сиэннэрбин кытта эмиэ кэлээччибин. Тула барыта сибэкки буолан сыттыын да үчүгэй, көрөргө да астык, — диэн кэпсиир.

Губинскай уокурук салайааччытын эбээһинэһин быстах кэмҥэ толорооччу Гулжан ОГОНЕРОВА  этэринэн, быйыл күһүн сквергэ  өссө дьаабылыка мастарын олордуу үлэтэ барыахтаах. Онон олохтоохтор саас аайы мастар сибэккилииллэрин көрүөхтэрэ.

Дьокуускай куоракка өссө биир күөх сквер баар буолла.

Чэлгийээнэ Бахсырова, edersaas.ru

Ааптар хаартыскаҕа түһэриитэ, видеоҕа устуута

#бүгүн: 1
1
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

пять + 14 =