Дьокуускай 35-с оскуолатын дириэктэрэ Лидия Аммосова үөрэнээччилэр уонна төрөппүттэр ааттарыттан Ил Дархан э.т. Айсен Николаевка оскуола тутуллуутун үбүн боппуруоһун быһаарбытыгар улахан махталын тиэрдэр.
«Айсен Николаев куорат мэринэн үлэлии олорон биһиги оскуолабыт тутуллуутун боппуруоһун хонтуруоллуу олорбута. Төрөппүттэр уонна учууталлар буолан көрсүбүппүт кинилиин. Бүгүн Москваттан инклюзивнай оскуолабыт тутуллуутугар федеральнай үп кэлэрин туһунан үөрүүлээх сонуну иһиттибит. Биһиги өрөспүүбүлүкэбит эдэр, эрэллээх салайааччыта регион сайдыытын кытта сибээстээх ыарахан боппуруостары быһаарар кыахтааҕын көрдөрдө. Быйылгы Саҥа дьылы оҕолорбут сабыс-саҥа, киэҥ-куоҥ оскуолаҕа көрсөллөр«, — диир кини.
Уһук Илин сайдыытын министиэристибэтин чэрчтинэн федеральнай үп 35-с оскуола тутуутугар барыаҕа. Ол туһунан Ил Дархан э.т. Айсен Николаев биллэрдэ:
— Миниистир Александр Козлов сырыытын түмүгүнэн, сөбүлэһии түһэристибит. Уопсай сууматтан бастакы транш 1,7 млрд солк. киирдэ. Бу харчы инклюзивнай оскуола тутуутугар барыаҕа. Сыл бүтүүтэ саҥа оскуола үлэҕэ киириэхтээх.
«Саха сирэ» хаһыат, edersaas.ru