close
3D-моделированиеҕа Өктөмнөөҕү научнай-үөрэтэр киин хамаандата бастаата...
Кыһа - Олох-дьаһах

3D-моделированиеҕа Өктөмнөөҕү научнай-үөрэтэр киин хамаандата бастаата

Норуоттар икки ардыларынааҕы Интеллектуальнай оонньуу 3D-моделированиеҕа түмүгэ таҕыста. Муҥутуур кыайыылааҕынан Өктөмнөөҕү научнай-үөрэтэр киин үөрэнээччилэрэ Степан Павлов уонна Милена Посельская таҕыстылар.

edersaas.ru

Кыайыылаахтар

Кэлиилэртэн Казахстан эрэ  хамаандата кытынна. Уоннааҕылара олохтоох оҕолор. Степан Павлов: “Оонньууларга кыттан олус элбэх иэнийиини ыллыбыт, үгүс уопуту иҥэриннибит, саҥа кыайыыны ситистибит. Сүрүн куоталаһааччы “Кванториум” хамаандата дии санаабыппыт. Маҥнай сорудахтар уустук курдуктар этэ. Онтон толорор кэммитигэр син быһаарыстыбыт. Мин бырагыраамаҕа моделированиетын, оттон Милена чертеһун, эскииһин оҥорбута. 3D-моделированиенан ааспыт үөрэх дьылыттан эрэ дьарыктанан саҕалаабытым. Тренербит көмөтүнэн тута күрэхтэһиилэргэ кыттан барбыппыт. Тэрээһин олус үчүгэй. Арааһа, бу бүтэһик күрэхтэһиим буолуо. Салгыы эксээмэннэргэ бэлэмнэниэхпин наада. Инники идэбин чопчу быһаарына иликпин. Программирование өттүгэр барарым буолуо”, — диэн санаатын үллэстэр.

Муҥутуур кыайыылаахтар маҥнай JuniorSkills бастаан, “Артекка” путевка сүүйэн, норуоттар икки ардыларынааҕы куонкуруска кыттыбыттар.

Санатан эттэххэ, күрэхтэһии тиэхиньикэ уонна уус-уран моделирование хайысхаларынан барда. Уопсайа, иккилии киһилээх 28 хамаанда кытынна.

Түмүк

Тиэхиньикэнэн моделирование:

1 м. Айсен Охлопков, Дмитрий Плотников (Өрөспүүбүлүкэтээҕи лиссиэй-интэринээт)

2 м. Кирилл Ведехин, Анастасия Заварухина (ХИФУ анал үөрэтэр-научнай киинэ)

3 м. Петр Устинов, Константин Яковлев (Амма лиссиэйэ)

Уус-уран моделирование:

1 м. Степан Павлов, Милена Посельская (Өктөмнөөҕү научнай-үөрэтэр киин)

2 м. Альберт Бугуев, Олег Иванов (Дьокуускай куорат 2-с №-дээх оскуолата)

3 м. Арслан Галиуллин, Вадим Кейсевич (Кванториум, Дьокуускай куорат 33-с №-дээх оскуолата)

Номинация: Адель Энжанова, Альмира Терликбаева (Казахстан)

 

Муҥутуур кыайыылаахтар:

Степан Павлов, Милена Посельская (Өктөмнөөҕү научнай-үөрэтэр киин).

 

Людмила ПОПОВА, “Саха сирэ” хаһыат, edersaas.ru

Андрей СОРОКИН хаартыскаҕа түһэриилэрэ.

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

десять − семь =