61 киилэҕэ бөлүүн түүн Виктор Рассадин Саха Өрөспүүбүлүкэтин хамаандатыгар бастакы мэтээли аҕалла. Кини Дагестан бөҕөһө Гаджимурад Рашидовтыын эрийсиилээх, олус тыҥааһыннаах киирсии түмүгэр 3:3 ахсаанынан хаачыстыбанан сабырыйтарда. Оттон бүгүн 57 киилэҕэ Арыйаан Тютрин, Дмитрий Аксенов, Федор Постников, Айтал Захаров уонна Москва аатыттан биир дойдулаахпыт, саха тустуутун оскуолатын иитиллээччитэ Михаил Иванов кииристилэр.
Арыйаан Тютрин эрэхтээх (утешительнай) киирсиигэ эчэйэн, Рамазан Ферзалиевка (Дагестан) 1:11 ахсааннаах кыайтарда. Михаил Иванов кыһыылаахтык Расул Машезовка (Крым) кыайтарда. Айтал Захаров бастакы эргииргэ Федор Постниковка сабырыйтаран, туораата. Федор Постников Дондук Хуреш Оолга (Тыва) кыайтарда.
Дмитрий Аксенов боруонса мэтээли былдьаһар утарсааччыта эрэхтээх киирсии түмүгүнэн быһаарыллыаҕа. Ону Рамазан Ферзалиев (Дагестан) уонна Расул Машезов (Крым) киирсиилэрэ көрдөрүөҕэ. Аксенов бүгүн Саха сирин бириэмэтинэн 1:00 ч. тустуоҕа. Аллараа ссылканан онлайн көрүҥ.
Быһа биэриини 1:00 чааска бу ссылканан көрүҥ:
Николай Попов «Саха Сирэ», edersaas.ru