Олоххо киһи үөйбэтэх-ахтыбатах өттүттэн араас буолар. Оттон онно итирдэр утах «кыттыстаҕына», биллэн турар, туох да үчүгэй тахсыбат.
Нерюнгри полициятын дьуһуурунай чааһыгар 70 саастаах эмээхсинтэн тыллабыр киирбит. Кинини урукку кэргэнэ кырбаабытын туһунан.
Барыллаан быһаарыынан, бу арахсыбыт ыал биир кыбартыыраҕа дьукаахтар курдук олорбуттар. Эмээхсинтэн 12 сыл балыс, ол эбэтэр, 58 саастаах урукку эрэ, итирэн баран, эмээхсини торуосканан уонна тутууга туттуллар инструменынан сырбаталаабыт.
Ол түмүгэр, кырдьаҕас киһи балыыһаҕа киллэриллибит.
Уорбаланааччы буруйун билиммит.
Бу чахчынан РФ Холуобунай кодексатын 115-с ыст. 2-с чааһынан, ол эбэтэр, доруобуйаҕа чэпчэки эмсэҕэлээһини оҥоруу бэлиэтэ баарынан, холуобунай дьыала тэриллибит. Дьыала суукка тиийдэҕинэ, буруйдаах 2 сылга диэри болдьоххо көҥүлэ быһыллыан сөп.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.