Оптуобустарга «хармаанньыттартан сэрэниҥ!» диэн ис хоһоонноох биллэриини күн устатыгар хаста да истэбит. Ол эрэн, ити сэрэтии уоруйахтары соччо-бачча тохтоппот быһыылаах.
Вера МАКАРОВА, «Саха сирэ» хаһыат, edersaas.ru
Биир оннук уоруйаҕы киин куорат полициятын оперативниктара туттулар — урут хаста да сууттана сылдьыбыт 65 саастаах киһи, Дьокуускай олохтооҕо.
Бу уопуттаах хармаанньыт ааспыт сыл бүтүүтүттэн оптуобустарга дьон малын сойботуунан дьарыктанан, полицейскайдар харахтарын далыгар киирбит. Уонна, дьэ, бу муус устар ый бүтүүтүгэр буруйу оҥорбут сиригэр харытыттан харбаатылар.
Доппуруос кэмигэр өссө былырыын оҥорбут буруйугар эмиэ билиммит.
Бу чахчынан «Уоруу» ыстатыйанан холуобунай дьыала тэриллибитин СӨ ИДьМ-тын пресс-сулууспата иһитиннэрдэ.
Вера МАКАРОВА, «Саха сирэ» хаһыат, edersaas.ru
Хаартыска: интернеттэн.