close
Аан дойду чөмпүйүөнүн мэтээлин состороонньото — 224 000 солкуобай...
Дьулуур - Олох-дьаһах

Аан дойду чөмпүйүөнүн мэтээлин состороонньото — 224 000 солкуобай

Дойду бырабыыталыстыбата чэпчэки атлетика араас таһымнаах түһүлгэлэригэр нейтральнай былааҕынан кыттар спортсменнарга мэтээллэрин иһин бириэмийэ кээмэйин бигэргэттэ. Бу туһунан rusathletics.com иһитиннэрэр.

edersaas.ru

Ол курдук, чэпчэки атлетикаҕа аан дойду чөмпүйэнээтигэр кыайбыттар 224 000, иккис миэстэни ылбыттар – 112 000, үһүс буолбуттар – 67 000 солкуобайы ылар буолуохтара. Оттон Европа чөмпүйэнээтин мэтээллэрин иһин бириэмийэ суумата икки төгүл кыра – туһааннааҕынан 112 000, 56 000 уонна 33 600 солкуобай.

Аан дойду чөмпүйүөнүн тириэньэрэ 107 200 солкуобайынан, иккис, үһүс призердары бэлэмнээбиттэр 58 800, 32 000 солкуобайынан бириэмийэлэниэхтэрэ. Европа призердарын ииппит тириэньэрдэр 48 000, 24 000 уонна 14 400 солкуобайы ылыахтара.

Санатар буоллахха, Лондоҥҥа ыытыллыбыт аан дойду быйылгы чэпчэки атлетикаҕа чөмпүйэнээтигэр кыттар быраабы ылбыт Арассыыйа спортсменнара алта мэтээли ылбыттара. Үрдүгү ойууга Мария Ласицкене бастаабыта, оттон Сергей Шубенков (110 м барьердаах сүүрүү), Дарья Клишина (уһуну ыстаныы), Данил Лысенко (үрдүгү ойуу), Сергей Широбоков (спортивнай хаамыы) итиэннэ Валерий Пронкин (молоты кыыратыы) үрүҥ көмүс призердарынан буолбуттара.

Роман Попов, «Саха сирэ» хаһыат, 

edersaas.ru

 

0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

14 − два =

INSTAGRAM ЛИЭНТЭТЭ

Instagram батыһан бар