Лондоннааҕы Паралимпийскай оонньуулар үрүҥ көмүс призердара, пауэрлифтиҥҥа Европа чөмпүйүөнэ Владимир Балынец аан дойду рекордун олохтоото.
Атырдьах ыйын 9-13 күннэригэр Юлиторнио (Финляндия) куоракка ыытыллыбыт пауэрлифтиҥҥэ Европа аһаҕас чөмпүйэнээтигэр Арассыыйа үтүөлээх тириэньэрэ Петр Давыдов иитиллээччитэ Владимир Балынец сытан эрэ 171,5 киилэни анньан кыайыылааҕынан буолла. 59 киилэлээхтэргэ бу аан дойдуга бастыҥ көрдөрүүнэн буолар.
Абсолютнайга Саха сириттэн сылдьар спортсмен эмиэ тэҥнээҕин булбата.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1