Аан дойдутааҕы Ыччат бэстибээлигэр мас тардыһыытын түһүлгэтигэр Саха сирин делегацията оһуохай тэрийдэ. Араас дойду ыалдьыттара сөбүлүү көрөннөр оһуохайдастылар. Уопсайа хас да сүүс киһилээх доҕордоһуу оһуохайын Кыыл Уола аатынан үҥкүү национальнай тыйаатырын артыыһа Дмитрий Артемьев таһаарда.
edersaas.ru
Мас тардыһыы былаһааккатын СӨ дьиэ кэргэн бэлиитикэтигэр уонна ыччат дьыалаларыгар миниистирэ Афанасий Владимиров итиэннэ РФ Федеральнай Мунньаҕын Федерациятын Сэбиэтин кэмитиэтин бэрэссэдээтэлин солбуйааччы, 1985 сыллаахха Москваҕа буолбут Ыччат бэстибээлин кыттыылааҕа, мас тардыһыы Бүтүн Арассыыйатааҕы бэдэрээссийэтин бэрэсидьиэнэ Александр Акимов арыйдылар.
Николай Попов, «Саха сирэ» хаһыат, edersaas.ru
Ааптар хаартыскаҕа түһэриитэ.
+1
+1
+1
+1
+1
+1
+1