Саха cирин Ил Дархана: «Аэропуорка Ойуунускай аатын иҥэрии — өрөспүүбүлүкэ историятыгар кини аатын билинии»
Саха сирин Ил Дархана Айсен Николаев «Инстаграм» ситимҥэ страницатыгар Былатыан Ойуунускай олоҕун уонна нэһилиэстибэтин туһунан санаатын уонна «Дьокуускай» аэропуордугар кини аатын иҥэрэр наадатын туһунан санаатын үллэһиннэ.
«Бүгүн Саха сирин чулуу уола — суруйааччыта, бөлүһүөгэ, судаарыстыбаннай деятелэ Платон Алексеевич Ойуунускай төрөөбүтэ 125 сылын туолла.
Саха сирэ 1922 с. автономнай өрөспүүбүлүкэ статуһун ылыа, сэбиэскэй буолуо этэ дуо уонна ханнык сылга? Олоҥхо дьылҕата хайдах буолуо этэй? Саха поэзиятыгар уонна литературатыгар бүттүүнүгэр? Төрөөбүт тылы харыстааһыҥҥа уонна үөрэтиигэ? Саха сирин норуотугар Былатыан Алексеевич өссө тугу оҥоруо, төһө биллэр литературнай айымньылары суруйуо этэй, сымыйа буруйдааһыҥҥа түбэһэн кини олоҕо 46 сааһыгар түрмэҕэ быстыбатаҕа буоллар?
Ойуунускай сүҥкэн литературнай баайын үөрэтиэхпит уонна ону өссө хас да көлүөнэ дириҥник ырыҥалыа турдаҕа.
Мин санаабар, Былатыан Ойуунускай «Арассыыйа улуу ааттара» бырайыакка кыайыыны ситиһэрэ сөптөөх.
Ойуунускай аатын бу үбүлүөйдээх сылыгар Саха сирин салгынынан сырыыга сүрүн аартыгар иҥэрэн, кини өрөспүүбүлүкэ историятыгар сүҥкэн оруолун билиниэхпит».
Женни Стрюкова бэлэмнээтэ.
«Саха сирэ» хаһыат, edersaas.ru