close
Бүгүн — үҥкүүһүт Афанасий Афанасьев үбүлүөйдээх күнэ...
· - Култуура - Олох-дьаһах

Бүгүн — үҥкүүһүт Афанасий Афанасьев үбүлүөйдээх күнэ

Бүгүн — Саха сирин национальнай үҥкүү тыйаатырын артыыһа, Арассыыйа үтүөлээх, өрөспүүбүлүкэ норуодунай артыыһа Афанасий Афанасьев 55 сааһа.

edersaas.ru

Афанасий Афанасьев олоҕун бүтүннүү үҥкүүгэ анаабыт, 55 сааһын сыанаҕа көрсөр артыыс, уопсайа, 39-с театральнай сезонун аста.  Өссө оҕо эрдэҕиттэн үҥкүүнэн үлүһүйэр. Саха АССР култууратын үтүөлээх үлэһитэ Августина Клакинова салалтатынан дьарыктаммыта, Ытык Күөллээҕи (Таатта улууһа) “Доҕордоһуу” ансаамбыл иитиллээччитэ.

Айар үлэтэ:

“Үҥкүүгэ сүгүрүйэбин” (1994), “Таптал күлүгэ” (1995), “Үҥкүү хоруола” (2004), “Үҥкүүгэ олох” (2008) айар биэчэрдэри тэрийбитэ. Ону тэҥэ, П.А.Ойуунускай аатынан Саха академическай тыйаатырыгар, А.С.Пушкин аатынан Нуучча драматическай итиэннэ Д.К.Сивцев аатынан Опера уонна балет судаарыстыбаннай тыйаатырдарыгар хас даҕаны драманан уонна муусуканан испэктээктэргэ туруорааччы-балетмейстердаабыта. 2007 сыллаахха дьон биһирэбилин ылбыт «Танцевальный бум. Мир танцует в разных направлениях» диэн тус бырайыагын олоххо киллэрбитэ. Сүрүн үлэтин таһынан, өрөспүүбүлүкэни уһаты-туора кэрийэн улахан дьоҥҥо уонна оҕолорго маастар-кылаастары ыытар, “төгүрүк остуолларга” кыттар, С.А.Зверев-Кыыл Уола төрөөбүтэ 110 уонна 115 сыллаах үбүлүөйдээх ыһыахтарын, араас улахан култуурунай тэрээһиннэри тэрийбит Саха сирин тарбахха баттанар артыыһа.

 

“Саха сирэ” хаһыат, edersaas.ru

Хаартыска — интэриниэттэн.

 

 

 

#бүгүн: 1
4
0

Сайт матырыйаалларын ааптар көҥүлэ суох ылар бобуллар.

Мин санаам:

десять + двадцать =