close
Африка айар кыыһыныын көрсүһүү
Култуура - Олох-дьаһах

Африка айар кыыһыныын көрсүһүү

Саха сирин Суруйааччыларын сойууһун бэрэссэдээтэлэ, норуодунай бэйиэт Наталья Харлампьева ыҥырыытынан Соҕуруу Африка 15 саастаах кыыһа Меган Вернер Саха сиригэр кэллэ.

Иван ОСИПОВ—Уйбаан ОЙУУР, «Саха сирэ» хаһыат, edersaas.ru


Кини муус устар 19 күнүгэр Национальнай бибилэтиэкэ Историческай саалыгар «Все зависит от тебя» диэн ыччат бестcеллерэ буолбут кинигэтин сүрэхтээһинэ бэрт тэрээһиннээхтик ыытыллан, элбэх киһи муһунна.

Эдэркээн ааптары, чэгиэн, үтүө турукка киирии тренерин кытта билсиһии истиҥник ааста. Меган саалаҕа толору мустубут ыччаттары кытта билсистэ, кыратык оонньоон да ылла уонна олох хас биирдии түгэниттэн үөрэргэ, куһаҕан дьаллыкка ылларбакка сылдьарга, дьону-сэргэни кытта үтүө сыһыаннаах, эйэҕэс буоларга ыҥырда. «Все зависит от тебя» кинигэтэ олохторун тупсарыахтарын баҕалаахтарга аналлааҕын ыйда. Бэйэҥ иннигэр туруоруммут сыалгын-соруккун толороргор күүстээх санаалаах, сайдарга дьулуурдаах уонна дьаныардаах буолуу ирдэнэрин эттэ. Түмүгэр, кинигэтин атыыласпыт дьоҥҥо илии баттаата уонна бииргэ хаартыскаҕа түһэн үөрдэ-көттө.

Ыраах сиртэн кэлбит эдэркээн ыалдьыт бэртээхэй кинигэни айбытын таһынан, ааттаах араатар уонна ситиһиилээх модель эбит. Меган Саха сиригэр кэлиитин Евразия Айар Гильдията (Лондон) тэрийбит, ороскуотун уйуммут.

Иван ОСИПОВ—Уйбаан ОЙУУР, «Саха сирэ» хаһыат, edersaas.ru

Ааптар хаартыскаҕа түһэриилэрэ

0
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/afrika-ajar-kyy-ynyyn-k-rs/

INSTAGRAM ЛИЭНТЭТЭ

Instagram батыһан бар