Айсен Николаев: Мас-рестлинг чугастааҕы уон сылга олимпиада көрүҥүнэн буолар кыахтаах
Мас-рестлинг маннык тэтимнээхтик салгыы сайыннаҕына, 7-11 сылынан Олимпиада көрүҥүнэн буолар кыахтаах. Бу туһунан Саха сирин Ил Дархана Айсен Николаев “Триумф” кииҥҥэ түмүктүүр киирсиилэргэ эппитэ.
“Быйыл мас-рестлиҥҥэ аан дойду чөмпүйэнээтигэр хаһааҥҥытааҕар даҕаны элбэх дойду кытынна. Бу дойдулар уопсай ахсааннара — 39, ити былырыыҥҥы чөмпүйэнээттээҕэр 17 дойдунан элбэх. Өскөтүн мас тардыһыыта маннык тэтиминэн салгыы сайыннаҕына, 7-11 сылынан Олимпиада көрүҥэр киирэр кыахтаныа. Маны үһүс чөмпүйэнээппитин үчүгэйдик тэрийии даҕаны туоһулуур”, — диэн Саха сирин Ил Дархана Айсен Николаев тыл этэригэр бэлиэтээбитэ.
Кини “ыалдьааччыларга”, сарсыҥҥы киэһэҕэ диэри Дьокуускай өссө биир киэҥ хабааннаах тэрээһини – кэлэр сыл кулун тутар ыйыгар Көҥүл тустууга аан дойду кубогын көрсөр кыахтааҕа быһаарыллыаҕа диэбитэ. Итинник өрө көтөҕүллүүлээхтик тыл этэн баран, өрөспүүбүлүкэ Ил Дархана Айсен Николаев аан дойду чөмпүйэнээтин ыытыыны өйөөбүт спонсордары наҕараадалаабыта.
Артемий Грошев, СИА