Айсен Николаев Дьокуускайга сынньалаҥ кииннэрэ сабыллыахтарын сөбүн туһунан эттэ
Айсен Николаев суруналыыстары кытта брифиҥҥэ Дьокуускайга баар сынньалаҥ кииннэригэр тустаах миэрэлэр киллэриллиэхтэрин сөбүн туһунан эттэ. Бу туһунан рекомендациялары куорат баһылыгар ыытта.
Ил Дархан этэринэн, миэрэлэр уопсастыбаннай аһыыр сирдэргэ буолбакка, сынньалаҥ кииннэригэр эрэ туһаайыллыахтара.
«Олохтоохтор дьиэҕититтэн тахса, атыы-эргиэн кииннэригэр сылдьа сатаамаҥ. Куорат баһылыгар сынньалаҥ кииннэригэр тустаах миэрэлэри ылынарыгар көрдөстүм. Аһыыр сирдэргэ билиҥҥитэ туох да хааччах көрүллүбэт», — диэтэ Ил Дархан.
Айсен Сергеевич көрдөһүүтүнэн, sakhamovie.ru онлайн киинэ-тыйаатыра үлэлиэҕэ. Оттон ХИФУ лиэксийэлэри, вебинардары истэр ресурсун баҕалаахтарга арыйыаҕа.
Ил Дархан уонна бырабыыталыстыба пресс-сулууспата.
+1
+1
+1
+1
+1
+1
+1