Айсен Николаев бүгүн Булуҥ оройуонугар үлэлиэҕэ

Ааптар: 
Бөлөххө киир:

Айсен Николаев ахсынньы 3 күнүгэр Булуҥ оройуонугар оробуочай сырыынан көттө. Бу айанын кэмигэр Саха сирин баһылыга улуус социальнай-экэнэмиичэскэй сайдыытыгар туһуламмыт мунньаҕы ыытыаҕа, үөрэх, култуура тэрилтэлэригэр, Арассыыйа Федерациятын Хотугу флотун ПВО дивизиятыгар сылдьыаҕа. Ону сэргэ, Тиксиигэ тыал күүһүнэн үлэлиир установканы көрүөҕэ.


Өрөспүүбүлүкэ баһылыга Күһүүргэ саҥа орто оскуола дьиэтин арыйыы тэрээһинигэр кыттыаҕа уонна Быковскай бөһүөлэгэр агротэхиньиичэскэй хайысхалаах оскуола үөрэнээччилэрин кытта көрсүһүөҕэ.
Николаев Тиксиигэ олохсуйар, дойду интэриэһин Арктикаҕа уонна Аан дойдутааҕы акыйаан атын оройуоннарыгар көмүскүүр Арассыыйа Хотугу флотун 45-с аармыйатын ВПО үһүс дивизиятын олохсутар блочнай-модульнай дьоҕус куоракка эмиэ сылдьыаҕа.
Ил Дархан былырыын үлэҕэ киирбит тыал үс установкатыттан, тутулла турар дизельнэй уот ыстаансыйатыттан уонна уоту аккумуляциялыыр тиһиктэн турар Арктикатааҕы энергетика комплексын үлэтин сыныйан көрүөҕэ. Бу комплекс ойдом турар полярнай бөһүөлэги уотунан эрэллээхтик хааччыйара уонна ыарахан сыаналаах оттугу тиэйииттэн тутулуктаах буолуутун аччатара күүтүллэр. Оробуочай сырыытын Саха сирин баһылыга миниистирдэр кэбиниэттэрин чилиэннэрэ уонна муниципалитет бэрэстэбиитэллэрэ кыттыылаах мунньахха түмүктүөҕэ. Мунньахха Булуҥ оройуонун 2030 сылга диэри сайдыытын торумнуохтара.
Санатан эттэххэ, Булуҥ оройуона дойду национальнай тумус тутуллар соруктарыгар киирэр Арктика зонатыгар баар. Бүгүн тырааныспар логистикатын тупсарыыга үлэ ыытыллар.
Арктика оройуоннарын олохтоохторугар судаарыстыбаннай бүддьүөт суотугар муниципальнай тэриллиилэргэ ситэ ылбатах дохуоттарын толуйан, кэккэ нолуоктары сотуу боппуруоһа көрүллэр. Арктика олохтоохторун тырааныспар уонна сир, физическэй сирэйдэри баай-дуол түһээниттэн босхолуур туһунан этиини өрөспүүбүлүкэ федеральнай таһымҥа туруорсубута. Маны сэргэ, Арктикаҕа биисинэһи тэрийиигэ түһээҥҥэ чэпчэтиилэр тустарынан этиилэри киллэрбиттэрэ: барыска түһээҥҥэ, НДПИ-гэ уонна бүддьүөтү таһынан пуондаларга страховой усунуостарга, диэн иһитиннэриигэ этиллэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин бырабыыталыстыбатын пресс-сулууспата.
Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0