Бэҕэһээ, кулун тутар 20 күнүгэр, “Биир ньыгыл Арассыыйа” баартыйа барыллаан куоластааһынын тэрийэн ыытар регионнааҕы кэмитиэт 2017 сыл балаҕан ыйын 10 күнүгэр буолар “Дьокуускай куорат” куораттааҕы уокурук баһылыгын быыбарыгар кыттар хандьыдааты быһаарар барыллаан куолааһын кыттыылааҕынан Айсен Николаевы регистрациялаата.
Роман Попов, “Саха сирэ” хаһыат, https://edersaas.ru
Дьокуускай куорат баһылыга Айсен Николаев барыллаан куоластааһыҥҥа кыттарын туһунан сайабылыанньатын “Биир ньыгыл Арассыыйа” баартыйа регионнааҕы исполкомугар кулун тутар 16 күнүгэр киллэрбитэ.
“Дьокуускай куорат” куораттааҕы уокурук баһылыгын дуоһунаһыгар барыллаан куоластааһын Бүттүүн Арассыыйатааҕы быыбар биир күнүгэр – ыам ыйын 28-гар ыытыллыаҕа.
Барыллаан куоластааһыҥҥа 21 сааһын туолбут, урут сууттана сылдьыбатах, Россия гражданина муус устар ый 27-гэр диэри бэйэтин кандидатуратын туруорунар бырааптаах. Манна баартыйата суохтар эмиэ кыттыахтарын син.
Барыллаан куоластааһын кыттыылаахтарыттан докумуоннары үлэ чааһыгар маннык аадарыска туталлар: Дьокуускай куорат, Аммосов уулуссатын, 18 №-рэ, 4/4 хос.
Сиһилии 421-421 төлөпүөнүнэн билсиэххэ сөп.
Роман Попов, “Саха сирэ” хаһыат, https://edersaas.ru