close
Айсен Николаев миниистир Евгений Зиничевы кытары көрүстэ...
Бэлиитикэ - Олох-дьаһах

Айсен Николаев миниистир Евгений Зиничевы кытары көрүстэ

Ил Дархан эбээһинэһин быстах кэмҥэ толорооччу Айсен Николаев Москваҕа Ыксаллаах быһыы-майгы миниистирэ Евгений Зиничевы кытары көрүстэ.

Көрсүһүүгэ, бастатан туран, ойуур баһаарын туһунан кэпсэттилэр. Санатан эттэххэ, Саха сиригэр ойуур баһаардарынан ыксаллаах быһыы-майгы биллэриллибитэ. Бэҕэһээҥҥи туругунан, өрөспүүбүлүкэ үрдүнэн барыта 15 сиргэ (11 тыһ. тахса га сиргэ) баһаар бара турар. Итинтэн алта сиргэ баһаары умуллардылар. Билигин Үөһээ Бүлүүгэ, Горнайга, Кэбээйигэ, Намҥа, Өлүөхүмэҕэ турбут баһаардарга күүстээх үлэ бара турар.
Кэпсэтии кэмигэр РФ Ыксаллаах быһыыга-майгыга министиэристибэтэ уонна өрөспүүбүлүкэтээҕи сулууспа биир ситимнээхтик үлэлээн, улахан баһаардары намыраппыттарын бэлиэтээтилэр. Ол курдук, Үөһээ Бүлүүгэ уонна Кэбээйигэ уот улаханнык сиэбит тыатын быыһаатылар. “Билигин Саха сирин киин уонна соҕуруу оройуоннарыгар ойуур баһаардара тураллар. Бары биир ситимнээхтик үлэлээн, бу баһаардары уталыппакка умулларыахпыт дии саныыбын”, — диэн этэр Айсен Сергеевич.
Маны таһынан, Ил Дархан э.т. Айсен Николаев федеральнай миниистири кытары халаан содулун туоратыы боппуруостарын кэпсэттэ. Айсен Сергеевич Ыксаллаах быһыы-майгы министиэристибэтигэр махтанан туран, билигин Саха сиригэр көмө туһунан РФ бырабыыталыстыбатын уурааҕын таһаарыыга федеральнай былаас уорганнарын кытары үлэлэһии түмүктэнэн эрэрин иһитиннэрдэ. “Миниистир биһиги өрөспүүбүлүкэбитигэр көрүллүөхтээх көмө туһунан РФ бырабыыталыстыбатын уурааҕа түргэнник тахса охсуон наадатын өйдүүр уонна өйүүр”, — диэн бэлиэтиир Айсен Николаев мунньах түмүгүнэн.
Мунньахха баһаары уонна халаан содулун туоратыыны таһынан, Саха сирин арҕаа оройуоннарыгар баһаарынай сулууспа үлэтин, Арктикаҕа анал быыһыыр сулууспаны (Тиксиигэ базалаах) тэрийии туһунан кэпсэттилэр.

Аграфена КУЗЬМИНА, “Саха сирэ” хаһыат.

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

5 × два =