close
«Айыы кыһата» оскуоланы тутуу бүтэрэ чугаһаата...
Олох-дьаһах

«Айыы кыһата» оскуоланы тутуу бүтэрэ чугаһаата

 Бүгүн, балаҕан ыйын 14 күнүгэр, СӨ архитектуратын уонна тутуутун миниистирэ Вера Кузакова 203-с микро-оройуоҥҥа тутулла турар «Айыы Кыһата» оскуоланы уонна 315 миэстэлээх икки оҕо саадын көрдө.

 edersaas.ru

203 микро-оройуоҥҥа дьиэлэри тутуу күөстүү оргуйа турар. Ол курдук, дьон олорор дьиэтэ эрэ буолбакка, оскуола, оҕо саадтара, библиотека уонна искусство оскуолата тутулла тураллар. СӨ архитектуратын уонна тутуутун миниистирэ Вера Кузакова эбийиэктэринэн кэрийэ сылдьан тутуу үлэтэ хайдах бара турарын билистэ. Миниистири эбийиэктэри тута сылдьар «Газэнергомонтаж» хампаанньа салайааччыта Андрей Урум тутуу устун сирдээтэ.

Вера Кузакова, СӨ архитектуратын уонна тутуутун миниистирэ:

— Тутулла турар «Айыы Кыһата» оскуола уонна  оҕо саада бу сыл бүтүүтэ тутуллан бүтүөхтээхтэр. Өссө биир оҕо саада эһиил баччаларга тутуллан бүтэрэ былааннанар. Бүгүҥҥү күҥҥэ эбийиэк тутуута икки нэдиэлэ курдук хаалан иһэр. Итиини киллэрии боппуруоһугар эмиэ кыра ыарахаттар бааллар. Ол эрэн, итиини киллэрии быһаарыллар боппуруос. Эбийиэк хаачыстыбата эрдэттэн хонтуруолламмыт буолан, үчүгэй. Ханнык баҕарар тутууга син биир кыра итэҕэстэр бааллар. Тутааччы тута көннөрөн иһэр. 

 

 

Андрей Урум, «Газэнергомонтаж» хампаанньа салайааччыта:

— Эбийиэктэрбит улахан аҥаардара тутулуннулар. Сөбүлэҥ чэрчитинэн, тутуу бу сыл ахсынньытыгар бүтүөхтээх.  Библиотека уонна искусство дьиэлэрин тутуута этэҥҥэ бара турар. Библиотекаҕа анал аппараат аҕалбыппыт. Библиотекарь ол аппараат оператора буолар. Итиини киллэрэ илик буоланнар, эбийиэктэргэ кыра бытаарыы баар.

 

 

Николай Попов, «Саха сирэ» хаһыат, edersaas.ru

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

2 × три =