“Тыа хаһаайыстыбатын салаатыгар үрдүк квалификациялаах механиктары, трактористары, агрономнары, бэтэринээрдэри бэлэмнээн таһаарыы — орто анал уонна үрдүк үөрэх кыһаларын ытык эбээһинэстэринэн буолар”, — диэн тоһоҕолоон бэлиэтээбитэ.
Елена ПОТОЦКАЯ “Саха сирэ”, edersaas.ru
— Үрдүк үөрэх кыһатыгар агрономнары, агроинженердэри бэлэмниибит. Ааспыт сылтан орто анал үөрэҕи эмиэ арыйбыппыт. Манна уон биирис кылаас кэнниттэн биир кэлим эксээмэни туттарбакка, сир сыһыаннаһыытын исписэлииһигэр, тыа хаһаайыстыбатын тиэхиньикэтин механиктарыгар уонна агроном үөрэҕэр үөрэтэбит. Бастакы кууруска 160 ыччаты ылбыппыт. Урукку дьылларга икки-үс эрэ группаны ылар буоллахпытына (бөлөх аайы — 25-тии оҕо), быйыл 90 ыччат үрдүк үөрэххэ, 70 оҕо орто анал үөрэххэ киирдэ. 2017 сылтан, нууччалыы эттэххэ, “подушевой” үбүлээһиҥҥэ киирэбит. Ол эбэтэр устудьуон ахсаанынан үбүлээһин көрүллэр, — диэн бэлиэтиир Саха государственнай тыа хаһаайыстыбатын академиятын Өктөмнөөҕү филиалын дириэктэрин эбээһинэһин толорооччу Марианна Петрова.
Онон биир үөрэх тэрилтэтигэр үрдүк уонна орто анал үөрэх кыһата дьүөрэлээн аһыллыбыта – сонун сүүрээн. Ил Дархан Ил Түмэн дьокутааттарыгар Туһаайыытыгар: “Өрөспүүбүлүкэҕэ аграрнай үрдүк үөрэхтээһин саҥа көрүүгэ, сонун уларыйыыга наадыйар”, — диэн бэлиэтээбитэ олоххо киирбитэ хайҕаллаах суол.
Елена Потоцкая, «Саха Сирэ» хаhыат.