Томпо бөҕөһө Дмитрий Аксенов аан дойду чөмпүйэнээтигэр кыттыаҕа

Ааптар: 
Бөлөххө киир:

Ыам ыйын 15-19 күннэригэр Москваҕа байыаннай сулууспалаахтар ортолоругар спортивнай тустууга аан дойду чөмпүйэнээтэ буолар. Онно кыттыахтаах греко-римскэй, көҥүл тустууга Арассыыйа сүүмэрдэммит хамаандаларын састааба билиннэ.

Көҥүл тустуу түһүлгэтигэр 61 киилэҕэ диэри ыйааһыҥҥа Арассыыйа аатыттан дойду былырыыҥҥы боруонса призера, Томпо ыччата Дмитрий Аксенов тустуоҕа. Кинини кытта сүүмэрдэммит хамаандаҕа олимпийскай чөмпүйүөн Сослан Рамонов (70 кг), аан дойдуга бастыыр иһин күрэхтэһии кыайыылааҕа Начын Куулар (65 кг), аан дойду чөмпүйүөнэ Хетик Цаболов (79 кг) уо.д.а. киирдилэр.

Көҥүл тустууга Арассыыйа сүүмэрдэммит хамаандатын састааба: Азамат Тускаев (57 кг), Дмитрий Аксёнов (61 кг), Начын Куулар (65 кг), Сослан Рамонов (70 кг), Заурбек Сидаков (74 кг), Хетик Цаболов (79 кг), Андрей Валиев (86 кг), Юрий Белоновскай (92 кг), Владислав Байцаев (97 кг), Алан Хугаев (125 кг).

Греко-римскэй тустууга дойду чиэһин көмүскүөхтэрэ: Эмин Сефершаев (55 кг), Жамболат Локьяев (60 кг), Санал Семёнов (63 кг), Алексей Киянкин (67 кг), Адам Курак (72 кг), Чингиз Лабазанов (77 кг), Вааг Маргарян (82 кг), Сосруко Кодзоков (87 кг), Никита Мельников (97 кг), Виталий Щур (130 кг).

Роман Попов, edersaas.ru

+1
0
+1
0
+1
0
+1
0
+1
0
+1
0
+1
0