“Биир ньыгыл Арассыыйа” баартыйа Саха сирин олохтоохторун “Ийэ дойдугар Кыайыыны бэлэхтээ, доруобуйаҥ туһугар хардыыта оҥор”
диэн акцияҕа кыттарга ыҥырар
Роман Попов, “Саха сирэ” хаһыат, www.edersaas.ru
Ыам ыйын 12 күнүгэр “Биир ньыгыл Арассыыйа” баартыйа 1941 -1945 сылларга Аҕа дойду Улуу сэриитигэр Улуу Кыайыы 72-с сылыгар анаммыт “Ийэ дойдугар Кыайыыны бэлэхтээ, доруобуйаҥ туһугар хардыыта оҥор” өрөспүүбүлүкэтээҕи акцияны тэрийэн ыытар.
Тэрээһиҥҥэ Саха сирин олохтооҕо барыта кыттар кыахтаах.
Бу күн өрөспүүбүлүкэ 34 улууһун уонна Дьокуускай куорат сэттэ тыһыынча икки сүүс олохтооҕо 72 мөлүйүөн хардыыны оҥоруоҕа.
Өрөспүүбүлүкэ киин куоратыгар акция “Туймаада” стадиоҥҥа уонна Култуура уонна сынньалаҥ пааркатыгар күнүс 15 чаастан саҕаланыаҕа. Онно икки тыһыынча киһи кыттара күүтүллэр.
Тэрээһин бары кыттыылаахтара георгиевскай лиэнтэни бэлэх тутуохтара.
Акция “Чэгиэн кэскил” федеральнай бырайыак чэрчитинэн ыытыллар.
Роман Попов, “Саха сирэ” хаһыат