Дьокуускай к. олохтооҕо өр сылларга Петр Алексеев аатынан холкуос, онтон сопхуос салайааччытынан таһаарыылаахтык үлэлээбит, «Ленин», «Октябрьскай Өрөбөлүүссүйэ», «Үлэ Кыһыл Знамята», «Бочуот Знага» уонна «Хотугу сулус» уордьаннар кавалердара, РСФСР тыатын хаһаайыстыбатын үтүөлээх үлэһитэ, РСФСР норуотун үөрэҕириитин туйгуна, Саха АССР үтүөлээх агронуома, Кэбээйи уонна Таатта улуустарын бочуоттаах олохтооҕо Семен Гаврильевич Жирков балаҕан ыйын 7 күнүгэр 95 сааһын туолла. Ытык кырдьаҕаһы үөрүүлээх үбүлүөйүнэн өрөспүүбүлүкэ Бырабыыталыстыбатын Бэрэссэдээтэлин бастакы солбуйааччы-тыа хаһаайыстыбатын уонна ас-үөл бэлиитикэтин миниистирэ Петр Алексеев итиэннэ Таатта улууһун баһылыга Михаил Соров эҕэрдэлээтилэр. Тыа хаһаайыстыбатын министиэристибэтэ Семен Гаврильевичка 100 тыһ. сууммалаах сэртипикээт, оттон таатталар убаһа бэлэхтээтилэр.
Раиса Сибирякова, “Саха сирэ” хаһыат, edersaas.ru.
