Албыннаппыт дольщиктары аһаҕас кэпсэтиигэ ыҥыраллар

Бөлөххө киир:

Сыллата албыннаппыт дольщиктар ахсааннара өрөспүүбүлүкэҕэ элбии турар. Сорох дьиэлэр хастыы да сылы быһа тутулла сатаан баран, тутар тэрилтэ моҥкуруут барбыт аатырар.

edersaas.ru

От ыйын 20 күнүгэр күнүс 15 чаастан Ил Түмэҥҥэ  кыттыгас тутуу кыттааччыларын бырааптарын көмүскээһин тула аһаҕас кэпсэтии ыытыллыаҕа.
Россияҕа олорор дьиэ тутуутугар харчы уган албыннатааччылар ахсааннара ордук 2003-2005 сылларга сүүһүнэн тыһыынчаны куоһара сылдьыбыта. Саҥа дьиэҕэ олорор баҕаттан, эргэ дьиэлэрин атыылаан туран, үгүс дьон кыттыгас тутууга киирэн, төттөрүтүн ытыс соттубуттара. Билигин эмиэ балаһыанньа кытаатан, Дьокуускай куоракка эрэ буолбакка, оннооҕор улуус кииннэригэр «кутуруктаммыт» тутуулар элбээтилэр. Бу ый саҥата Судаарыстыбаннай Дуума бэрэссэдээтэлэ Вячеслав Володин кыттыгас тутуу кыттааччыларын бырааптарын сокуонунан көмүскээһиҥҥэ парламентскай истиилэри ыыппыта. Онно регионнарга албыннаппыт дольщиктар интэриэстэрин көмүскүүр сыалтан оробуочай бөлөҕү тэрийэр туһунан этии киирбитэ.

Анивера Акимова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0