Алдаҥҥа «Союз-2.1б» аракыата үлтүркэйдэрин буллулар

Ааптар: 
Бөлөххө киир:

Бүгүн, ахсынньы 4 күнүгэр, Алдан оройуонугар «Союз-2.1б» аракыата икки тобоҕо булулунна. Биир үлтүркэйи түспүт сириттэн ылан Алдаҥҥа таһаарбыттар. Иккис үлтүркэй ыраах сытар буолан сарсын ылыллар.

Петр Иванов, Алдан оройуонун айылҕа харыстабылын кэмитиэтин аҕа инспиэктэрэ: 

Икки үлтүркэйи буллубут. Биирин тиэйэн ыллыбыт. Иккис тобох 2 км ыраах сытар буолан бүгүн бириэмэбит да тиийбэтэ. Булуллубут сиртэн хаар аналиһын ыллыбыт, уонна лабараторияҕа бэрэбиэркэлэтэ ыыттыбыт. Холоон көрдөххө, аракыата бүрүйүүтэ түһэн иһэн элбэх чааска алдьаммыт уонна хас да сиринэн ыһыллыбыт. Көрдөөһүн үлэтэ салҕанар.


Аракыата бүрүөһүнүн үлтүркэйин көрдөөһүҥҥэ ЦЭНКИ, «Роскосмос» хампаанньалар, Барнауллааҕы Арассыыйа Наукатын Академиятын экологтара, Саха Өрөспүүбүлүкэтин «Быаһыыр сулууспа» үлэһиттэрэ уонна Алдан оройунун айылҕа харыстабылын кэмитиэтин аҕа инспиэктэрэ Петр Иванов үлэлии сылдьаллар.

Санатан эттэххэ, сэтинньи 28 күнүгэр “Илин” космодромтан «Союз-2.1б» аракыата космоска «Метеор-М» космическай аппарааты космоска таһаарбыта. Аракыата саппараапкаламмыт баахтара Бүлүү Үгүлээтин уонна иннигэр Фрегат түргэтитэр блогун сабыыта Алдан Хатыстыырын сирдэригэр түспүттэрэ.

Николай Попов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0