“Саха Өрөспүүбүлүкэтэ уопсастыбаннай түмсүүлэри көҕүлээһиҥҥэ хайа да регионнааҕар бастыҥ үлэлээх иһэр”, — диэн бэлиэтиир Коммерческайа суох түмсүүлэр Россиятааҕы сойуустарын президенэ Александр Айгистов, Дьокуускайдааҕы Гражданскай форум кэмигэр.
Аграфена КУЗЬМИНА, “Саха сирэ” хаһыат, edersaas.ru сайт.
Манна даҕатан, Александр Анатольевич Дьокуускайга уопсастыбаннай түмсүүлэр дьиэлэрэ тутуллубута улахан суолталааҕын бэлиэтиир. “Россия үрдүнэн социальнай хайысхалаах коммерческайа суох 145 тыһ. тахса түмсүү баар. Кинилэртэн 75 тыһ. тахса түмсүү олорон үлэлииллэригэр миэстэлэрэ, дьиэлэрэ-уоттара суох. Онон Саха сирэ атыттарга холобур көрдөрдө. Аны Ил Дархан Егор Борисов бу дьиэҕэ уопсастыбаннай түмсүүлэри эрэ буолбакка, барыларын киллэртээтэ. Уопсастыбаннай палаата, норуот хонтуруола, о.д.а. барыларын. Ити коммерческайа суох түмсүүлэр сайдалларыгар төһүү буолар. Бу уопуту атын регионнарга тарҕатыахпыт дии саныыбын”, — диэн иһитиннэрэр.
Ону таһынан, норуот көҕүлээһинин биир сиргэ түмэр министиэристибэ тэриллибитэ бары өттүнэн табыгастаах буолбутун, бу манна өрөспүүбүлүкэ эйгэтэ барыта хабыллыбытын сэргээбитин эттэ.
Аграфена КУЗЬМИНА, “Саха сирэ” хаһыат, edersaas.ru сайт.