Саха сирин бааһынай хаһаайыстыбаларын уонна кэпэрэтииптэрин ассоциациятын бэрэсидьиэнэ, “Туймаада” хампаанньа генеральнай дириэктэрин солбуйааччы Александр Артемьев бүгүн Москваҕа АККОР Сэбиэтин мунньаҕар кыттыыны ылла. Онно Александр Еремеевиһи Сэбиэккэ чилиэнинэн биир санаанан таллылар.
edersaas.ru
Сэбиэккэ АККОР бэрэсидьиэнэ, Госдуума дьокутаата Владимир Плотников, АККОР бэрэсидьиэнин солбуйааччылар – Госдуума дьокутаата Светлана Максимова, “Россия Аграрнай партията” БРП бэрэссэдээтэлэ Ольга Башмачникова, АККОР толорооччу дириэктэрэ Вячеслав Телегин курдук бэлиитикэҕэ киэҥник биллэр дьон уонна бааһынай хамсааһынын регионнардааҕы лидердэрэ бааллар. Бу мунньахха Новосибирскай, Томскай, Иркутскай уобаластартан саҥа чилиэннэри ыллылар, Кострома уобалаһа уонна Хабаровскай кыраай чилиэннэриттэн мэлийдилэр.
Хаартыскаҕа: Александр Артемьев РФ АККОР-ун бэрэсидьиэнэ Владимир Плотниковка саха бааһынайдара таһаарбыт кинигэлэрин бэлэхтээтэ.
Василий НИКИФОРОВ, edersaas.ru