Булгуччулаах медицинскэй страховка территориятааҕы пуондатын (ТФОМС) дириэктэрэ Александр Горохов пуонда контакт-киинин уонна СӨ Доруобуйа харыстабылын министиэристибэтин ыарыһахтары өйүүр биир кэлим киинин кытары холбоһуктаах үлэлэрин үтүө түмүктэрин доруобуйа харыстабылын үлэһиттэригэр эҕэрдэтигэр бэлиэтээтэ.
edersaas.ru
«Бу үлэбит сүрүн соруктарыттан биирдэстэринэн страховкалаах дьоҥҥо медицинскэй көмөнү оҥорорго үөскээбит боппуруостары суһаллык быһаарыы буолар», – диэтэ ТФОМС дириэктэрэ Александр Горохов.
Страховкалаах киһи«Биир түннүк» тосхолунан 8-800-100-14-03 нүөмэргэ эрийдэҕинэ, исписэлиистэртэн тустаах сүбэни-аманы ылар.
«Ыытыллыбыт үлэ инникитин даҕаны нэһилиэнньэҕэ оҥоһуллар өҥө хаачыстыбатын тупсарыыга хайысхаланыаҕа уонна булгуччулаах медицинскэй страховка систиэмэтигэр дьоһун суолталаах үлэнэн буолуоҕа. Быраастарга, медицинскэй сиэстэрэлэргэ, доруобуйа харыстабылын бары үлэһиттэригэр эһиги чэпчэкитэ суох үлэҕит, киһилии сыһыаҥҥыт уонна идэҕитигэр бэриниигит иһин ис сүрэхпиттэн махтанабын», – диэн Александр Горохов биир идэлээхтэригэр улахан билиниитин, ытыктабылын уонна махталын биллэрдэ.
Надежда ЕГОРОВА, «Саха сирэ» хаһыат, edersaas.ru
.