Биир дойдулаахпыт, Сунтаартан төрүттээх Алена Дмитриева олорон эрэ волейболга Арассыыйа сүүмэрдэммит хамаандатын састаабыгар норуоттар икки ардыларынааҕы күрэхтэһии үрүҥ көмүс призерунан буолла.
Ыам ыйын 7-13 күннэригэр Кытай Ченду куоратыгар ыытыллыбыт World Super 6 турнирга Арассыыйа паралимпийскай хамаандата кытайдарга хотторон иккис миэстэни ылла.
Украина хамаандата – үһүс, Япония – төрдүс, Индонезия уонна Казахстан туһааннааҕынан бэһис, алтыс миэстэлэри ыллылар. Билигин Алена дойду сүүмэрдэммит хамаандатын састаабыгар от ыйыгар Голландияҕа буолар аан дойду чөмпүйэнээтигэр бэлэмнэнэр.
Эр дьон World Super 6 турнирдара Иран Тебриз куоратыгар буолла. Онно Арассыыйа хамаандата эмиэ олохтоохторго сабырыйтаран, пьедестал иккис үктэлин дабайда. Босния волейболистара боруонса мэтээл хаһаайыннарынан буоллулар.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1