Аллайыаха олохтоохторо кинилэр сирдэригэр-уоттарыгар олохсуйбут овцебыктарга олус харыстабыллаахтык сыһыаннаһаллар. Ханнык эмэ учаастакка овцебыктар сылдьалларын көрдөхтөрүнэ, куруук онно көрдүбүт эҥин диэн олохтоох айылҕа харыстабылын инспекциятыгар биллэрэ сылдьаллар. Ахсынньы 1 күнүгэр Русскай-Устьеттан төрүттээх Евгений Киселев Русскай-Устьетааҕы боротуоха уҥа өттүгэр овцебык оҕото өлөөрү сытарын көрбүтүн туһунан тыллаабыт.
Ити кэнниттэн айылҕа харыстабылын инспектордара уочараттаах рейдэлэригэр айаннаан иһэн, кырдьык, овцебык оҕото өлө сытарын булбуттар. Сабаҕалааһын быһыытынан овцебык оҕото ыам ыйыгар төрөөбүт буолуон сөп. Быйыл Абый улууһугар курдук халыҥ хаар Аллайыахаҕа эмиэ түспүтэ. Онон кыылларга даҕаны ыарахан кыстык ааһан эрэр буолуохтаах. “Быһата, ырыганнаан өлбүт буолуон сөп”, — дэһэллэр инспектордар.
Санатан эттэххэ, бу дойдуну 16 сыллааҕыта булбут овцебыктар үөскээн-тэнийэн, ахсааннара 300 таҕыста.
Женни СТРЮКОВА, edersaas.ru
+1
+1
+1
+1
+1
+1
+1