Саха сирин биир сүрүннүүр баана АКБ “Алмазэргиэнбанк” акционернай общество сотору кэминэн лицензията былдьанарын, онуоха уурдарыылаах дьон харчыларын түргэнник уста охсуохтарын наадатын биллэрэр ис хоһоонноох сурах батсаабы тилийэ көттө.
Варвара Попова, «Саха сирэ» хаһыат, edersaas.ru
Үөрүөх иһин, бу сонун сымыйа хоп-сип эрэ буоларын “Алмазэргиэнбанк” уопсастыбаны кытта үлэлиир отдела бигэргэттэ: “Бу сымыйа ис хоһоонноох сурах тарҕаммыт. Чуолаан Бүлүү бөлөх улуустарыгар хото “күүлэйдиир” эбит. Бүгүҥҥү күҥҥэ ким, тоҕо итинник сураҕы ыыппытын көрдүүр үлэни ыытабыт.
Онтон баан бэйэтин үлэтэ уруккутун курдук бара турар, лицензия туруга үчүгэй, онон уурдарыылаах дьон долгуйбаккытыгар көрдөһөбүт”, — диэтэ.
Варвара Попова, «Саха сирэ» хаһыат, edersaas.ru