Бэс ыйын 1 күнүттэн алмаас хостуур хампаанньа Саха сиригэр: Дьокуускайга уонна Мииринэйгэ баар хонтуора үлэһиттэрин ахсаанын сарбыйар санаалаах. Уопсайа 500 киһи, бастатан туран, тырааныспар салаатыгар үлэлиир бухгалтердар, экэнэмиистэр, каадыр үлэһиттэрэ хамнастаах үлэлэрин миэстэтин босхолуохтара. АУП үлэһиттэрин ахсаанын кыччатыыга: «АЛРОСА», «АЛРОСА-Ньурба», «Анаабыр алмаастара» түбэһиэхтэрэ диэн “Вести Якутии” иһитиннэрэр.
Саха сирин салайар саҥа юридическэй тэрилтэ Новосибирскай куоракка аһыллан, аутсорсинг быһыытынан «АЛРОСА»-ҕа үлэлиэҕэ. Сарбыйыыга түбэспиттэр Новосибирскайга саҥа хампаанньаҕа көһөллөрүгэр, эбэтэр атын үлэни булалларыгар сүбэлииллэр.
Манан сылыктаатахха, сотору кэминэн «АЛРОСА» ПАО регистрацията Мииринэйтэн Москубаҕа көһүөҕэ.
Марианна Тыртыкова, edersaas.ru
+1
+1
+1
+1
+1
+1
+1