close
Америкаҕа пауэрлифтиҥҥа 71 саастаах биир дойдулаахпыт аан дойду чөмпүйүөнэ буолла...
Дьулуур - Олох-дьаһах

Америкаҕа пауэрлифтиҥҥа 71 саастаах биир дойдулаахпыт аан дойду чөмпүйүөнэ буолла

Саха сириттэн 71 саастаах Сергей Никифоров пауэрлифтиҥҥа аан дойду чөмпүйэнээтигэр кыттан, кыһыл көмүс мэтээли ылла. Күрэхтэһии Орландоҕа (АХШ) буолбут. Спортсмен чаҕылхай  ситиһиитин туһунан тириэньэрэ, Саха сиригэр спорт паралимпийскай көрүҥнэригэр ассоциация бэрэсидьиэнэ Петр Давыдов СИА кэрэспэдьиэнигэр Артемий Грошевка кэпсиир.  


—Үөрүүбүтүттэн атахпыт сири билбэт. Кыайыыга тиийээри сылтан ордук бэлэмнэннэхпит.  Дьоһун сааска улахан ситиһии. Кини, биллэн туран, кыттарга туруоруммут сыалбын-сорукпун толордум диэн үөрэр. Бэйэтин бэрэбиэркэлэнэн, тургутан көрөөрү итиччэ ыраах барбыта, — диир. 

Сергей Никифоров сытан эрэ 130 кг ыйааһыннаах штанганы өрө анньан күрэхтэһээччилэрин сөхтөрбүт. Оттон утарылаһааччылара 120-лии киилэлээҕи өрө аспыттар. Онон биһиги спортсмеммыт барыларын ырааҕынан хааллартаабыт.

—Сергей Никифоров ыйааһынынан 82,5 кг. кытынна. Итиэннэ 50-60 саастаахтары, эдэр бэтэрээннэри кыайан улаханнык үөрэр, астынар.  Бу кыайыы Арассыыйаҕа уонна Саха сиригэр чахчы күүстээх дьон олороллорун мэктиэлиир. Онон, сөпкө эрчилиннэххэ, бу курдук уһулуччу кыайыыланыаххын, ситиһиилэниэххин сөп, — диэн тириэньэр эбэн биэрэр. 

 

#бүгүн: 1
0
0

Сайт матырыйаалларын ааптар көҥүлэ суох ылар бобуллар.