Амма сэлиэнньэтин быыбарыгар аатырбыт мадьыныны Анатолий Баишевы улуус баһылыгар киирсэ сылдьыбыт Михаил Артемьев кыайда.
Еdersaas.ru
2015 сыллаахха Амма улууһун баһылыгын быыбарыгар Россельхознадзор Саха сиринээҕи салайааччыта Николай Архипов уонна улуус баһылыгын солбуйааччы Михаил Артемьев киирсибиттэригэр, Архипов итэҕэтиилээхтик кыайан турар.
Бу сырыыга Михаил Артемьев Амма улууһун киинигэр – Амма сэлиэнньэтигэр туруоруммута. Кинини утары аммалары аар-саарга аатырдыбыт спортсмен Анатолий Баишев туруммута. Санатан эттэххэ, Баишев “Биир ньыгыл Россия” баартыйа бу сааскы праймериһыгар кыайбыта.
Сыралаһан киирсии түмүгэр, Артемьев Баишевы итэҕэтиилээхтик кыайда. Барыллаан ааҕыы түмүгүнэн, куолас маннык буолла: 1655 – Артемьев, 782 – Баишев.
Арыый атын таһымҥа да буоллар, Артемьевы “реванш” ылла диэххэ сөп.
Надежда САМСОНОВА.
+1
+1
+1
+1
+1
+1
+1