14:00 чаастааҕы дааннайынан, Амма сэлиэнньэтигэр 21 олорор дьиэ уонна 25 дьиэ таһа ууга барбыт. 50 киһини суһаллык көһөртөөбүттэр. Бу дьонтон 16-та оҕо. Бу туһунан Амма улууһун диспетчердэрин сулууспата биллэрбит.
Муус харыытын алдьаппатахтарына, уу таһыма өссө үрдүүр кутталлаах — диэн гидрологтар биллэрэллэр. Амма сэлиэнньэтигэр кылгас кэмҥэ ууга барбыт дьиэлээх дьону олордор лааҕыр тэриллибит. Чапчылҕан сэлиэнньэтигэр барар суолу уу быһан, олохтоохтору суһаллык көһөрөн эрэллэр. Харыыны эстэрэ, Дьокуускай куораттан бөртөлүөт көппүт. Бүгүн Амма улууһугар ыксаллаах балаһыанньа биллэрилиннэ.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1