Амма улууһун Эмис сэлиэнньэтиттэн 30 км ыраах сытар сиргэ алта киһи кыыл табаны бултаһа тахсыбыт.
РФ Силиэстийэлиир кэмитиэтин Саха сиринээҕи управлениета иһитиннэрбитинэн, ол бултааһын кэмигэр 47 саастаах киһи суорума суолламмытын туһунан иһитиннэрии сэтинньи 15 күнүгэр, киэһэ 17.00 чаас саҕана киирбит.
Бу чахчынан РФ Холуобунай кодексатын 109-с ыст. 1 чааһынан, ол эбэтэр, сэрэҕэ суохтан киһини өлүүгэ тиэрдии бэлиэтэ баарынан, процессуальнай бэрэбиэркэ барар.
Силиэстийэ сабаҕалыырынан, ол бултааһын үгэнигэр биир киһини алҕас искэ ыппыттар, бааһырбыт киһи сонно тута тыына быстыбыт.
Билигин быһылаан буолбут сиригэр суһал-силиэстийэлиир бөлөх үлэлиир.
Бэрэбиэркэ түмүгүнэн, процессуальнай быһаарыы тахсыаҕа.
Биһиги корр., «Саха сирэ» хаһыат, edersaas.ru
Хаартыска: интэриниэттэн.