Аммалар Саха сирин норуоттарын спортивнай оонньууларыгар бэлэмнэнэллэр

Ааптар: 
Бөлөххө киир:

Амма улууһугар Үлэ уонна тупсаран оҥоруу сылынан итиэннэ эһиил былааннанар Саха сирин норуоттарын спортивнай Оонньууларын көрсө үгүс өрүттээх үлэ ыытыллар.

edersaas.ru

Олортон биирдэстэрэ — „Төрөөбүт дойдуга тапталым, махталым“ диэн эстэпиэтэ буолар. Бу эстэпиэтэ чэрчитинэн бөһүөлэк иһигэр бөх буолан сытар хаарбах тимирдэр, өлүктүйбүт мастар ыраастаналлар. Эстэпиэтэни бастакынан улуус баһылыгын социальнай боппуруостарга солбуйааччы Прасковья Емельянова көҕүлээбитэ, биир санаалаахтарын түмэн, үс массыына бөҕү сыбаалкаҕа таһаарбыта. Кини кэнниттэн баһылыгы тутууга солбуйааччы Дмитрий Иванов бииргэ үлэлиир доҕотторун кытары субуотунньуктаан өр сылларга дьон хараҕын аалан сыппыт хамбаайын тобохторун, массыына куусабын хомуйбута. Үчүгэй бачыымы Дьокуускайга олорор биир дойдулаахтар түмсүүлэрин салайар Александр Неустроев иилэ хабан ылан, Аммаҕа кэлэ сылдьан, түмсүү чилиэннэрин кытта ырааһырдар үлэни ыыппыта. Эстэпиэтэ салгыы Амма нэһилиэгин баһылыга Василий Слепцовка, онтон улуус кылаабынай бырааһа Софья Александроваҕа бэриллибиттэрэ.

Ити курдук улуус тэрилтэлэрин салайааччылара бэйэлэринэн көх-нэм буолан, дьону хамсатан, дойдубут ыраас буоларыгар тус кылааттарын киллэрэллэр.

Амматтан Наталья Бубякина, Саха сирэ” хаһыат, edersaas.ru сайтка анаан.

+1
0
+1
0
+1
0
+1
0
+1
0
+1
0
+1
0