close
Анаабырга сүппүт дьону көрдөөччүлэр «Буран» суолун буллулар...
· - Айан суола - Олох-дьаһах

Анаабырга сүппүт дьону көрдөөччүлэр «Буран» суолун буллулар

Ыксаллаах быһыы-майгы министиэристибэтин пресс-сулууспата биллэрбитинэн, Анаабырга сүппүт дьону көрдөөччүлэр бэҕэһээ «Ариан» диэн сиргэ «Буран» суолугар тайаммыттар. Ону сүппүт дьон суола буолуон сөп диэн биллэрбиттэр.


Көрдөөччүлэр түөрт бөлөҕүнэн арахсыбыттар. Уопсайа 10 киһи уонна 7 тиэхиньикэ үлэлиир. Үрүҥ Хайаттан Сааскылаахха диэри «Анаабыр Алмаастара» АУо Ми-8 бөртөлүөтэ көрдөөбүтэ эрээри, тугу да булбатаҕа.

Санатан эттэххэ, сүппүт дьонтон биирдэстэрэ 19 саастаах, «Туман» диэн ырыаны интернет ситимигэр ыллаан биллибит игирэ аҥаара Кэрэчээнэ Туприна.  Кэрэчээнэ алтынньы 17 күнүгэр Дьокуускайтан Сааскылаахха тиийбит. Кинини көрсө диэн аҕата Олег Туприн доҕорун Федор Спиридоновы кытта Үрүҥ Хайаттан бураанынан кэлбиттэр. Алтынньы 18 күнүгэр Сааскылаахтан Үрүҥ Хайаҕа айаннаабыттар. Күн бүгүҥҥэ диэри сибээскэ тахса иликтэр.

Николай ПОПОВ, «Саха сирэ» хаһыат, edersaas.ru

 

#бүгүн: 1
2
1

Сайт матырыйаалларын ааптар көҥүлэ суох ылар бобуллар.