Өрөспүүбүлүкэ киин куоратын уунан хаачыйар биир улахан тэрилтэ салайааччытынан ананарын туһунан тустаах дьаһал өссө тахса илик эрээри, Анатолий Кырджагасов суруналыыстарга киниэхэ киирбит этии дьиҥнээҕин бигэргэттэ.
edersaas.ru
Кини 1964 с. Үөһээ Бүлүү улууһун Нам нэһилиэгэр төрөөбүтэ. Кэргэннээх, алта оҕолоох. 1987 с. Москватааҕы энергетическэй институт бырамыысыланнай теплоэнергетикаҕа факультетын бүтэрбитэ. Үлэтин ол сыл Дьокуускайдааҕы ТЭЦ-тэн маастарынан, инженер-конструкторынан саҕалаабыта. 1990-с сылларга Үөһээ Бүлүү уонна Сунтаар улууһун баһылыгын солбуйааччытынан үлэлээбитэ.
1998 с. СӨ ОДьКХ министиэристибэтин ДРСО дириэктэринэн анаммыта. 2001 с. Дьокуускай куорат Октябрьскай уокуругун баһылыгын э.т., 2006-2012 сс. «Губинскай ОДЬКХ» салайар хампаанньа дириэктэринэн үлэлээбитэ.
2012-2015 сс. – «Куорат хаһаайыстыбатын эксплуатацияҕа сулууспатын» дириэктэрэ, 2015 с. «Губинскай ОДЬКХ» УКОЖФ дириэктэрин көмөлөһөөччүтэ.
Аны күһүн алтынньы ыйга «Водоканал» 110 тыһ. куб. кыамталаах ууну оботторор саҥа ыстаансыйаны үлэҕэ киллэрэр былааннаах.
Марианна ТЫРТЫКОВА, «Саха сирэ» хаһыат, edersaas.ru