Биллэр уопсастыбанньык Антон Васильев бүгүн фейсбукка санаатын суруйан элбэх киһи өрөбүллээҕи күнүн аймаата.
“Сыл киһитэ-2016” бириэмийэ тэрийээччилэрэ уолга бириис (“Уопсастыбаннай деятель” номинацияҕа кыайбытыгар) быһыытынан… буокка биэрбиттэр.
0,5 лиитирэлээх, кыраһыабай хоруопкалаах “Дархан” диэн бытыылканы кыбынан турар хаартыската батсаабы бараата.
Көрбүт, аахпыт дьон үксэ тэрийээччилэри сэмэлээтилэр. Кыһыйан-абаран суруйбуттарын батсаап бөлөхтөргө ааҕыахха сөп.
Кыһыйыы сүрүн төрүөттэрэ манныктар:
- Өрөспүүбүлүкэҕэ арыгылааһыны утары охсуһуу бара турар кэмигэр, арыгылааһын аҕытаассыйата курдук көһүннэ.
- Антон доруобуйата мөлтөх. Ону ол диэбэккэ буор-босхо үлэ бөҕөнү үлэлиир, куораты ыраастыыр, Саха сиригэр аатырбыт үтүө сүрэхтээх уолга эҕэлээх бириис.
Антон “Фейсбукка” тус истиэнэтигэр маннык суруйда:
«Спасибо большое всем за голоса. Первая национальная премия Якутии «Человек года», Номинация “Общественный деятель” наша.?.
Диплом и 0,5 водки “Дархан”.
Водку отдал, сам не пью. Веду Здоровый образ жизни. Денежной премии не было ?. Не важно, важно то, что знают.»
Антон Васильев диэн кимий? Кини Бүтүн Россиятааҕы “Я – гражданин” бириэмийэ номинана, биллэр уопсастыбанньык. Кини бэйэтин баҕатынан күннэтэ бөх хомуйар, элбэх оҕолоох, кыаммат ыалларга көмөлөһөр, араас аһымал бырайыактары тэрийэн үлэлэтэр. Бэйэтин холобурунан соҕотох да киһи элбэҕи оҥоруон сөбүн көрдөрөр. Киниттэн «Саха сирэ» хаһыат муус устарга ылбыт интервьютун манна аах.
Бэйэбит харчы хомуйуохха!
Дьон Антону өйөөн, харчы хомуйан бириэмийэлиир санаалаах. Фэйсбукка уонна бассаабынан бу кэмҥэ маннык ис хоһоонноох ыҥырыы тарҕанар:
«Акция Соберем на реально народную премию для Антона Васильева
Саха дьоно бары биир киьи курдук уолбутугар Антон Васильевка киьи сиэринэн дьин чахчы норуотун туьугар улэлиирин хамсыырын туоьулуур махталбытын тиэрдээр курдук
Бу счетка эбэтэр мобильнайынан Ким теьее кыайаарынан кыттыьан бэлэх унуоххайын
Эрэли кытарыы Селена
Номер карты Сбербанка 4276760010349056 моб. Тел. +79243696660
Местникова Селена Михайловна».
Еdersaas.ru суруналыыстара Селена Михайловнаны кытта сибээстэстибит.
— Кырдьык, харчы хомуйабыт. Били, сахалар, Леонардо Ди Каприоҕа норуодунай бириэмийэ биэрбиппит дии. Оннук курдук эмиэ бастыҥ волонтербут Антоҥҥа норуот аатыттан бириэмийэ биэрэр санаалаахпыт. Бастаан харчы хомуйуохпут, онтон статуэтка оҥотторуохпут. Элбэх харчы киирдэҕинэ, харчынан эмиэ биэриэхпит. — диэн Антон Ивановка норуодунай бириэмийэ акциятын тэрийээччи Селена Местникова edersaas.ru сайтка кэпсээтэ.
«Кылаабынайа, дьон билиниитэ»
Антон Васильев edersaas.ru сайтка санаатын маннык үллэһиннэ:
— Бу бастакы Национальнай бириэмийэ диэн эрээри, чааһынай курдук. »АТБ» баан, »Якутия» ФАПК спонсордаабыттар, »Жизнь Якутска» хаһыат тэрийбит. Бастаан сайтка, социальнай ситимнэргэ куоластатан, номинаннары талбыттара.
Мин харчы, бириэмийэ туһугар үлэлээбэппин. Кылаабынайа, дьон билиниитэ буоллаҕа. Ол эрээри, хайдах эрэ санаам түстэ (просто обидно). Арыгыны испэппин, ол иһин бирииспин дьоҥҥо биэрбитим.
Санатар буоллахха, былырыын Антон Бүтүн Россиятааҕы “Я – гражданин” бириэмийэҕэ номинант буолбута. Номиннаннар харчынан бириэмийэлэммиттэрэ.
Ыспыраапка
“Сыл киһитэ-2016” тэрээһин Дьокуускайга “Европа” кулуупка бэҕэһээ (03.12.16.) киэһэ буолла. Тэрээһини эстрада артыыстара ырыаларынан киэргэттилэр. Манна «Сыл бастыҥ менеджерэ», «Сыл бастыҥ суруналыыһа», «Сыл бастыҥ урбаанньыта» «Сыл бастыҥ артыыhа» о.д.а. анал ааттары туттардылар. Тэрээһиҥҥэ киирии билиэт сыаната 1000 солк. Тэрийээччилэр — “Жизнь Якутска” хаһыат, “Якутия” ФАПК, “АТБ” баан.
Edersaas.ru сайт суруналыыстара билигин тэрийээччилэр хоруйдарын көрдүү сылдьабыт. Сотору сайпытыгар таһаарыахпыт!
ФАПК «Якутия» хоруйа: