Анжелика Назарова «Мисс Россияҕа» кыттыаҕа

Ааптар: 
Бөлөххө киир:

Ааспыт сайын «Мисс Россия» тэрийээччилэрэ @miss_russia_org диэн Инстаграм социальнай ситимҥэ Сахабыт сирин биир кэрэ-мааны куота Анжелика Назарованы (Горнайтан сылдьар) бэлиэтээн дьон дьүүлүгэр таһаарбыттара. Анжелика 2012 сыллаахха, өссө оскуолаҕа үөрэнэ сылдьан, «I Вице-мисс Якутия» ааты чиэстээхтик сүкпүтэ. Тома НИКИТИНА, «Саха сирэ» хаһыат, https://edersaas.ru 

«Мисс Россия» куонкуруска кыттыы туһунан Анжелика санаата маннык :

Миигин Инстаграмҥа бэлиэтээбиттэриттэн соһуйбутум. «Мисс Россия» тэрийээччилэрэ суруйан, Москваҕа ыҥырбыттара. Олус долгуйбутум уонна үөрбүтүм. Куонкурус генеральнай дириэктэрэ бэйэтинэн кэлэн кэпсэппитэ, онтон хаартыскаҕа түһэрбиттэрэ, анкета толотторбуттара. Саамай үөрбүтүм уонна соһуйбутум диэн миигин тута түмүктүүр кастиҥҥа ыҥырбыттара. Ол арааһа, саас буолуо. Кистээбэккэ эттэххэ, испэр маннык хабааннаах куонкурустарга кыттыахпын баҕарталыыр этим. Этэҥҥэ кастины аастахпына аан дойду үрдүнэн саамай дьоллоох кыыс буолуом этэ!  Күһүн Москваҕа бара сылдьыбыппын, түмүктүүр кастиҥҥа киирбиппин ким даҕаны билбэт, https://edersaas.ru сайтка бастакынан кэпсээтим.

Манна диэн эттэххэ, «Мисс Россия» Москва куоракка олунньу 18 күнүгэр кастиҥа буолуо. Тэрийэр хамыыһыйа билиҥҥээҥҥэ диэри кыттыан баҕалаах кыргыттартан сайаапка хомуйар. 173 см. үрдүк уҥуохтаах, 18-23 диэри саастаах, татуировката уонна пластика эпэрээссийэтэ суох буолуохтааххын.

Тома НИКИТИНА, «Саха сирэ» хаһыат, https://edersaas.ru

+1
0
+1
0
+1
0
+1
0
+1
0
+1
0
+1
0