close
Apple саҥа iPhone үс моделын презентациялаата (Видео)
Олох-дьаһах - Эдэр саас

Apple саҥа iPhone үс моделын презентациялаата (Видео)

Саҥа премиум кыластаах iPhone X бастакы тахсыбыт iPhone 10 сыллаах үбүлүөйүнэн сибээстээн оҥоһуллубут. Үбүлүөйдээх  iPhone өстүөкүлэ куорпустаах буолуоҕа, уруккулартан быдан күүстээх саҥа А11 процессордаах уонна 5,8 дюймнаах экраннаах буолла. Сүрүн камерата 12 мегапикселлээх, оттон фронтальнайа 7 мегапикселлээх.

Уларыйыыта олус элбэх, чуолаан эттэххэ, «Домой» кнопката суох буолла, ону кытта touch ID эмиэ суох буолла. Ол оннугар сирэйи билэр саҥа камераланна, онон, холобур, смартфону блокировкатыттан устуохха сөп эбэтэр Apple pay төлүүр систиэмэни туттуохха сөп. Кэтэспиппит курдук, iPhone X провода суох сэрээттиэххэ сөп буолла.

Алтынньы 27 күнүттэн саҥа iPhone эрдэ сакаастыахха сөп, атыыга сэтинньи 6 күнүттэн тахсыаҕа.

iPhone 8 уонна 8 Plus эмиэ өстүөкүлэ куорпустаннылар, үс араас өҥнөөх буоллулар — хара, сиэрэй уонна кыһыл көмүс, экраннарын кээмэйэ 4,7 уонна 5,5 дюйм.

Сыаналара (быһа холуйан):  iPhone 8 — 57 тыһыынча солкуобай, iPhone 8 Plus — 65 тыһыынча, оттон премиум кылаастаах iPhone X — 80 тыһыынча солкуобай.

Афанасий НОЕВ,edersaas.ru

1
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/apple-sa-a-iphone-s-modelyn-prezentatsiyalaata-video/

INSTAGRAM ЛИЭНТЭТЭ

Instagram батыһан бар