Сэтинньи 28 күнүгэр «Илин» космодромтан көтүөхтээх. «Союз-2.1б» аракыата «Метеор-М» аргыһа Алдан оройуонугар түһүөхтээх чаастарын көрдөөһүҥҥэ бэлэмнэнии үлэлэрэ саҕаланнылар. Хатыстыыр бөһүөлэгэр айылҕа туругун бэрэбиэркэлээтилэр.
Алданнааҕы айылҕа харыстабылын кэмитиэтин мунньаҕар ЦЭНКИ «Роскосмос» авиация секторын салайааччы бөртөлүөттэр ханнык хайысханан көтөллөрүн, Саха Өрөспүүбүлүкэтин «Быыһыыр сулууспатын» үлэтин билиһиннэрдэ. Хатыстыыр бөһүөлэгэр радардар турбуттар, суоппара суох көтөр ааллар аракыата аргыһын көрдүүргэ бэлэмнэр. Билигин бөртөлүөтүнэн аракыата аргыһа түһэр сирин бэрэбиэркэлииллэр, булчуттаргп, сылгыһыттарга сэрэтии үлэтэ ыытыллар.
Сэтинньи 24 күнүгэр Саха Өрөспүүбүлүкэтин айылҕатын харыстабылын инспектордара Иванов П.Е уонна Шепелев Д.О хаартан анализ ылан Айылҕа харыстабылын министиэристибэтин лабараториятыгар бэрэбиэркэҕэ ыыттылар.
Николай Попов, «Саха сирэ» хаһыат, edersaas.ru