Арассыыйа күрэхтэһиититтэн — алта кыһыл көмүс мэтээллээх

Ааптар: 
Бөлөххө киир:

Адаптивнай физическэй култуура уонан спорт өрөспүүбүлүкэтээҕи киинин спортсменнара пауэрлифтиҥҥэ Арассыыйа чөмпүйэнээтигэр уонна дойдуга бастыыр иһин күрэхтэһиигэ алта кыһыл көмүс уонна биирдии үрүҥ көмүс, боруонса мэтээллэри ыллылар.

Роман Попов, “Саха сирэ” хаһыат, https://edersaas.ru

 Иллэрээ күн Брянскай куоракка көрбөттөр ортолоругар пауэрлифтиҥҥэ троеборьеҕа Арассыыйаҕа бастыыр иһин күрэхтэһии уонна дойду чөмпүйэнээтэ түмүктэннилэр. Онно 22 регионтан 54 спортсмен кэлэн күүһүн холосто. Биэс күннээх тыҥааһыннаах күрэс түмүгэр Адаптивнай физическэй култуура уонан спорт киинин спортсменнарыттан сүүмэрдэммит өрөспүүбүлүкэ хамаандата алта кыһыл көмүс уонна биирдии үрүҥ көмүс, боруонса мэтээллэри ылан, хамаанданан иккис бириистээх миэстэҕэ таҕыста.

Арассыыйаҕа бастыыр иһин күрэхтэһиигэ тириэньэр Аркадий Степановка эрчиллэр Пахомова Людмила (60 кг.) бастакы, Атласов Юлиан (52 кг.) үһүс миэстэлэри ыллылар.

Пахомова Людмила бу ситиһиитин дойду чөмпүйэнээтигэр хатылаата. Кинини сэргэ Созонов Игорь (60кг), Халдеев Иван (75 кг) (тириэньэрдэрэ Давыдов П.Н.) пьедестал үрдүкү үктэлин дабайдылар. Оттон Дмитрьев Григорий (67,5 кг) үрүҥ көмүс мэтээли ылла.

Бу көрүҥҥэ Халдеев Иван уонна Дмитрьев Григорий бэтэрээннэр ортолоругар эмиэ тэҥнээхтэрин булбатылар.

Адаптивнай физическэй култуура уонан спорт киинин спортсменнарын уонна тириэньэрдэрин дьоһун кыайыыларынан эҕэрдэлиибит!

Роман Попов, “Саха сирэ” хаһыат, https://edersaas.ru

+1
0
+1
0
+1
0
+1
0
+1
0
+1
0
+1
0